Aholini sanitariya-epidemiologik osoyishtaligini ta’minlashda inson hayoti va sog‘lig‘iga yuqori xavf soluvchi omillar reyestriga kiritiladigan ma’lumotlar ro‘yxatini tasdiqlash to‘g‘risida

​O‘zbekiston Respublikasi Prezidentining 2024-yil 30-avgustdagi PF-132-son “O‘zbekiston Respublikasi Prezidentining tadbirkorlar bilan to‘rtinchi ochiq muloqotida belgilangan vazifalarni amalga oshirish chora-tadbirlari to‘g‘risida”gi Farmoni va Vazirlar Mahkamasining 2025-yil 6-fevraldagi 66-son “Inson hayoti va sog‘lig‘iga yuqori xavf soluvchi omillar reyestrini shakllantirish va yuritish tartibi to‘g‘risidagi nizomni tasdiqlash haqida”gi qaroriga muvofiq buyuraman:
1. Aholini sanitariya-epidemiologik osoyishtaligini ta’minlashda inson hayoti va sog‘lig‘iga yuqori xavf soluvchi omillar reyestriga kiritiladigan ma’lumotlar ro‘yxati ilovaga muvofiq tasdiqlansin.
2. Mazkur buyruq O‘zbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil va O‘zbekiston Respublikasi Savdo-sanoat palatasi bilan kelishilgan.
3. Ushbu buyruq rasmiy e’lon qilingan kundan e’tiboran kuchga kiradi.

T/r	Inson hayoti va sog‘lig‘iga yuqori xavf soluvchi nazorat sohasi nomi	Inson hayoti va sog‘lig‘iga yuqori xavf soluvchi omillar	Mazkur omilning yuqori xavf soluvchi omil etib hisoblanishiga asos	Nazorat qiluvchi organ nomi
1.	Sanitariya-epidemiologik osoyishtalik va jamoat salomatligi sohasi	O‘zbekiston Respublikasi Sog‘liqni saqlash vazirligida ro‘yxatdan o‘tkazilmagan yoki odamlarning hayoti va sog‘lig‘i uchun xavfli deb topilgan yangi xom ashyo turlari, kimyoviy vositalar, texnologiya uskunalari, jarayonlari hamda asboblari, oziq-ovqat xomashyosi va oziq-ovqat mahsulotlari, sanoat buyumlari, qurilish materiallari, ionlashtiruvchi nurlanish manbalari, biologik vositalar, oziq-ovqat xomashyosiga, oziq-ovqat mahsulotlariga hamda dori vositalariga ishlatiladigan idishlar, plastik, polimer materiallar va boshqa materiallar, ulardan tayyorlangan buyumlar hamda boshqa xalq iste’moli tovarlari ishlab chiqarilganligi, qo‘llanilganligi va realizatsiya qilinganligi.	O‘zbekiston Respublikasining “Aholining sanitariya-epidemiologik osoyishtaligi to‘g‘risida”gi Qonunining 12-moddasi ikkinchi qismi beshinchi xatboshisi	O‘zbekiston Respublikasi Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasi (bundan buyon matnda Sanepidqo‘m deb yuritiladi)
2.	Sanitariya-epidemiologik osoyishtalik va jamoat salomatligi sohasi	Xo‘jalik va ichimlik suvi ta’minoti uchun qo‘llashga yaroqsiz deb topilgan suvdan foydalanilganligi.	O‘zbekiston Respublikasining “Aholining sanitariya-epidemiologik osoyishtaligi to‘g‘risida”gi Qonunining 12-moddasi ikkinchi qismi yettinchi xatboshisi	Sanepidqo‘m
3.	Sanitariya-epidemiologik osoyishtalik va jamoat salomatligi sohasi	Yuridik va jismoniy shaxslar radioaktiv moddalarni hamda boshqa ionlashtiruvchi nurlanish manbalarini qazib olish, ishlab chiqarish, hosil qilish, qayta ishlash, ulardan foydalanish, ularni saqlash, ularga xizmat ko‘rsatish, ularni tashish, zararsizlantirish, utilizatsiya qilish va ko‘mib tashlash paytida sanitariya qoidalari, normalari va gigiyena normativlariga rioya etilmaganligi.	O‘zbekiston Respublikasining “Aholining sanitariya-epidemiologik osoyishtaligi to‘g‘risida”gi Qonunining 22-moddasi	Sanepidqo‘m
4.	Sanitariya-epidemiologik osoyishtalik va jamoat salomatligi sohasi	Yuqumli va parazitar kasalliklar tarqalishining oldini olishga qaratilgan, xo‘jalik faoliyati va boshqa faoliyatning alohida tartibini, aholi, transport vositalari, yuklar va (yoki) tovarlar harakatlanishining cheklanishini nazarda tutadigan tibbiy-sanitariya chora-tadbirlarini amalga oshirilmaganligi.	O‘zbekiston Respublikasi Vazirlar Mahkamasining 2025-yil 29-yanvardagi 48-son qarori bilan tasdiqlangan O‘zbekiston Respublikasi Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasi to‘g‘risidagi nizomning 11-bandi sakkizinchi xatboshisi	Sanepidqo‘m
5.	Sanitariya-epidemiologik osoyishtalik va jamoat salomatligi sohasi	Inson hayoti va salomatligi uchun jiddiy xavf tug‘diruvchi yuqumli kasalliklar tarqalishi yoxud texnogen yoki tabiiy xususiyatga ega xavf vujudga kelganligi.	O‘zbekiston Respublikasi Vazirlar Mahkamasining 2025-yil 29-yanvardagi 48-son qarori bilan tasdiqlangan O‘zbekiston Respublikasi Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasi to‘g‘risidagi nizomning 11-bandi o‘ninchi xatboshisi	Sanepidqo‘m
6.	Sanitariya-epidemiologik osoyishtalik va jamoat salomatligi sohasi	Favqulodda vaziyatlarda, epidemiyalar hamda aholining hayoti va sog‘lig‘i uchun xavf yuzaga kelganda, ommaviy zaharlanish va guruhli kasalliklar qayd etilganligi.	O‘zbekiston Respublikasi Vazirlar Mahkamasining 2025-yil 29-yanvardagi 48-son qarori bilan tasdiqlangan O‘zbekiston Respublikasi Sog‘liqni saqlash vazirligi huzuridagi Sanitariya-epidemiologik osoyishtalik va jamoat salomatligi qo‘mitasi to‘g‘risidagi nizomning 11-bandi o‘n birinchi xatboshisi	Sanepidqo‘m