“Yoshlar kuni”

“Yoshlar kuni” munosabati bilan Xiva shahar Sanitariya-epidemiologik osoyishtalik va jamoat salomatligi bo‘limi boshlig‘i U.X. Olimov tomonidan Gulshan-2 mahallasida istiqomat qiluvchi 2026-yil oliy ta’lim muassasasi bitiruvchisi bo‘lgan 1 nafar yosh bilan uchrashuv o‘tkazildi.

Uchrashuv davomida yoshning bandligini ta’minlash, mutaxassisligi bo‘yicha ishga joylashishi, davlat tomonidan yoshlar uchun yaratilayotgan imkoniyat va imtiyozlardan samarali foydalanishi hamda kelgusidagi rejalari yuzasidan suhbat olib borildi. Shuningdek, yoshning qiziqishlari, taklif va murojaatlari o‘rganilib, mavjud imkoniyatlar hamda bo‘sh ish o‘rinlari to‘g‘risida tegishli tushuntirishlar berildi.

Suhbat davomida yoshlarni har tomonlama qo‘llab-quvvatlash, ularning jamiyatdagi faolligini oshirish va munosib bandligini ta’minlash masalalariga alohida e’tibor qaratildi. Uchrashuv ochiq muloqot va samimiy ruhda o‘tdi.